ليه الكلام ليه الجروح؟ ليه نجرح بعضنا في وضوح ؟

ليه الوفا ؟
في دنيا ما فيها وفا ؟
في دنيا ما فيها صفا ؟
غير الخيانة والجفا ..!!

وين العطا وين الحنان ؟
وين المحبة والأمان ؟
وينك ياذاك المكان ؟
ياللأسف انه إختفى ..!!

ليه الخيانة في النفوس ؟
ليه القوي دايم يدوس ؟
وليه الفقر وجهه عبوس ؟
وماأعظمه اللي خفا ..!!

ليه الكبير
ماياخذ بيد الصغير ؟
وليه الصغير
يبقى على حاله صغير؟
وليه الظلم صايركثير ؟
وليه البرد مابه دفا ..!!

ليه الحسود فيه الحسد ؟
وكن ماعنده أبد ؟
وهو ماله يكفي بلد ؟
هذا مرض ولا له شفا ..!!

ليه الجرايح في الصديق ؟
وليه الصدق ماله رفيق ؟
حتى الطريق دايم يضيق ؟
وليه الوفا فينا إنطفى ..!!

ليه الكلام ليه الجروح ؟
ليه نجرح بعضنا في وضوح ؟
وتنهدم فينا الصروح ؟
وندعي إنه إختفى ..!!

ليه السعادة أختفت ؟
وليه الشموع فينا إنطفت ؟
وليه الأخوة ماوفت ؟
والجرح بالجرح إحتفى ..؟

ليه الثمن ؟
كل شي صاير بالثمن ؟
حتى الزمن ..
ياخذ ثمن.. ( عمرك ثمن )
ياخذ ولا عمره إكتفى ..!!

للأسف هذي الحقيقه
كل واحد في طريقه..
ويطلع على أكتافه رفيقه..
وتندثر كلمة وفا ..!!

ونبقى دايم ضايعين
في هاليتامى طامعين
ونقول يالله يامعين
وللأيادي رافعين
إقبل دعانا في الخفا..!!

ونموت واحنا بلا عمل..
ونقول ويش اللي حصل..
اللي حصل مات الأمل ..

وياللأسف مات الوفا ..!!!!!!






تحياتي..!!